પાણીપુરી એક એવી ડિશ છે જે દરેક ઉંમરના લોકોની ફેવરિટ હોય છે. દક્ષિણ ભારતમાં એક દુલ્હનને પાણીપુરી અંતરમાં વ્હાલી છે. તેણે પોતાના લગ્નમાં પકોડીની વરમાળા બનાવડાવી અને પહેરી પણ ખરા. આ વાત માનવામાં ના આવે તેવી છે પણ સાચી છે. દુલ્હનનું નામ અક્ષયા છે અને દુલ્હાનું નામ અભિષેક છે. અક્ષયાએ પકોડીની વરમાળા પણ પહેરી અને તેની સાથે તાજ પણ પકોડીમાંથી જ બનાવ્યો.
પકોડીનો તાજ પહેરીને એકદમ ખુશ દેખાઈ રહી છે. આ વીડિયો આર્ટ બાલાજી મેકઓવર સ્ટાઈલ્સે સોશિયલ મીડિયા અકાઉન્ટ પર શેર કર્યો છે. તેમણે પોસ્ટમાં લખ્યું કે, અક્ષરા અને અભિષેકને લગ્નનાં ખૂબ અભિનંદન. આ મેકઅપ સવારે 3 વાગ્યે કર્યો હતો અને ફોટો રાતે 3 વાગે ક્લિક કર્યો છે. આટલા કલાક પછી પણ મેકઅપ ખરાબ થયો નથી. ગયા મહીને શેર કરેલા આ વીડિયોને અત્યાર સુધી 40 લાખથી પણ વધારે લોકોએ જોયો છે.
સામાન્ય રીતે પાણીપુરીની ડિશ જમણવારમાં રાખવામાં આવે છે, પણ અક્ષયા તો પકોડીની સાથે જ લગ્ન મંડપમાં બેઠી હતી. આ કપલનાં મેરેજમાં આવેલા મહેમાનોને પણ આશ્ચર્ય થયું હતું. તેઓ જીવનમાં ક્યારેય આ હટકે મેરેજ ભૂલી નહીં શકે.